生活瑣事: 亡命小巴紅與綠 ~

之前報咗個 “中級滑浪風帆訓練班” ( 終於升 Grade 喇……!!), 前兩日 (6 月11 & 12 日, Mon & Tue) 走去赤柱水上活動中心上堂~ 我住喺觀塘, 最快既途徑係坐小巴 (紅 Van) 去柴灣, 再由柴灣坐小巴 (綠 Van) 去赤柱~

首先講紅 Van, 眾所周知佢個別名係 “亡命小巴”~ 但係佢除咗亡命之餘, D 司機大佬仲一心幾用~!! 佢哋架架 Van 都有部無線電通訊機, 用途非常廣泛~ 我琴日坐嗰架既司機大佬, 又要楂車同埋睇路面情況, 又要留意每個經過既站有冇乘客要接, 又要即刻諗去安排邊個接, 再同嗰個司機講叫佢去邊度邊度接幾多個乘客, 又叫邊個行上路, 另一個行下路, 又要聽乘客話邊度有落…… 個腦、口同隻耳都好忙啵……!!! 犀利呀~~~~!!!!

到咗柴灣, 轉搭綠 Van 入赤柱~ 雖然綠 Van 冇咁 “亡命”, 但係行呢條線既司機都唔係泛泛之輩…! 話說呢架綠 Van 係行大潭道入赤柱, 大潭道有幾段路又窄又彎, 最窄就係行大潭篤水塘條堤壩~! 睇相就知條路有幾窄~

~~