關於玩: Sailing Course Level 2 ~ "Laser 13"

喺上兩個星期六、日 (4 月 14, 15, 21 & 22 日), 去咗西貢黃石碼頭隔離既 “賽馬會黃石水上活動中心” 上 Sailing Course Level 2 (其實我喺好耐好耐之前玩過架喇, 不過以前本 Log Book 唔見咗, 宜家又有興趣玩咪報噃囉~)!!!!

喺 Course 既第一日應該 9 點鐘上堂既我... 遲到!!! (因為喺西貢碼頭開出既嗰班車 94 號巴士啱啱喺 8:35am 開走咗, 等到 9 點先再有車…), 去到 Centre 見到 4 位已經換哂 Wet Suit 既同學仔坐定定喺度等我呢個慢吞吞又遲到 (=.= |||…) 既同學 C, 我好快咁同 Miss 交代去換衫就已經一支箭咁標咗入更衣室……!!

上堂既時候, 原來除咗我之外, 仲有 3 位同學仔已經上完 Level 2 再報嚟玩, 大家唔好誤會以為佢哋之前唔合格要再嚟上堂考過, 查實佢哋個個合格哂, 就當係練習咁純粹報嚟玩下架咋~ 至於另 1 位就係第一次玩 Level 2 (但係之後傾計時先知佢係 Wind-Surfing 既高手!! 中班、高班甚至 “Fun Board – 翻波板” 乜都玩過哂, 係差 “Short Board – 短板” 未玩咋~ 犀利!! 其實我仲係初班 “Long Board - 長板” 既 Level… 努力報梗中班…...!)~~

講噃第一堂, 由於我哋有 4 個人都有 Sailing 經驗, 所以 Miss 喺朝早已經教我哋砌隻 Level 2 用既 “Laser 13 – 激光 13” 雙人帆船 (正常第一日都會先玩噃 Level 1 既 “Topper – 禮帽” 叫做溫噃 D 嘢~ 順帶一提, 原來之前提及 Level 2 用既 "Otter - 水獺" 已經退役咗好耐, 由 "Laser 13" 同埋 "Pico - 碧高 (For Level 1 / 2)" 取代)~~ 砌好之後跟手已經可以落水玩 (同埋學嘢囉~ ^^)…… 連續砌咗四日都係玩呢隻 “Laser 13” (應該唔會唔記得點砌架喇~~)!!! Level 2 有咩學呢? 約略咁講俾大家知:

1) 學點樣砌起隻船; 玩完之後拆噃 D 器材出嚟放好

2) 操控隻船及航行

5) 反艇 (Capsize)

呢四日真係好好玩, 5 位同學仔 (第 5 位同學仔最後一日先嚟上堂, 但係佢都係之前 Pass 咗, 5 位同學仔分別係: Ada, Calvin, Daniel, David & 亞倫) 同埋 Miss (阿翁) 都好 Nice、好好笑、好好玩、好 Enjoy~ 我仲食咗好多嘢添 (無論係食午飯定係放學後既下午茶!!)~ 因為每次我做完運動之後就會消耗大量體力, 所以需要食噃多 D 嘢補充噃囉~~~ ^^ 唔滿意既係風力唔夠強勁… 如果係 4 級風以上就好喇~ 咁就又可以 “水上飄” Lu~~ 隻帆袋哂 D 風令到隻船傾側, 嗰種喺水上高速飛馳既感覺, 既刺激又好玩, 好玩到難以用筆墨嚟形容… 所以我都係鍾意玩帆船同埋滑浪風帆多過獨木舟 (我有 1 星章架)~~~

最後喺第四日既考試我都 Pass 咗!! 好開心~!!! 可以自己租艇玩儲鐘~ 到時儲到咁上下又可以報更高 Level 讀~ (讀得愈高班 D 帆船愈型仔架~ 睇吓下面隻 “Dart 16” 雙體帆船就知啦~~!!! ^^)